Тариаланчдын борлуулалтыг дэмжин дүүргийн хэмжээнд үзэсгэлэн худалдаа, ногоо борлуулах түр цэгийг боломжит цэгүүд байршуулан худалдаалж байна. Ийнхүү зохион байгуулагч нарын зүгээс тариаланчдаа “хамгийн гол нь иргэд идэвхи санаачилгатай, хөдөлмөрч байж үр шимийг нь хүртэж, өөрийн гараар тарьж, ургуулсан эрүүл хүнсний ногоог хүнсэндээ хэрэглэх юм. Үүний цаана иргэдийн амьжиргаа дээшилж, хүмүүсийн сэтгэл зүй, ирээдүйд итгэх итгэл сайжрах нь бидний хувьд хамгийн чухал үр дүн хэмээлээ.

Агаар орчны бохирдлыг бууруулах Үндэсний хөтөлбөр, Засгийн газрын 2018 оны 43 ,62 дугаар тогтоол Нийслэлийн Засаг даргын 2018 оны 6 дугаар сарын 25-ны өдрийн А/579 дугаар захирамжийг хэрэгжүүлэхээр Хан-Уул дүүргийн Засаг даргын Тамгын газраас, “Агаар, орчны бохирдлыг бууруулахад иргэд, олон нийтийн оролцоог нэмэгдүүлэх нь” сэдэвт нээлттэй хаалганы өдөрлөгийг /2018.08.18/ өдөр зохион байгууллаа.

Хан-Уул Дүүргийн Нэгдсэн Эмнэлгийн захиргаанаас Эмнэлгийн ажилтны баярыг тохиолдуулан үйлчлүүлэгчдэд ээлтэй цэвэр орчин бүрдүүлэх зорилгоор нийтийн эзэмшлийн болон өрөө тасалгааны ариун цэврийг сайжруулах “Эмнэлэг сэжиглэх орчин биш сүжиглэх орчин байх ёстой” эрүүл ахуйн аяныг зохион байгуулагдлаа.

"Манай хороо- Миний гудамж" аяны хүрээнд 3 дугаар хорооны Шаравын гудамжинд байрладаг аж ахуйн нэгж байгууллагуудтай хамтран жишиг гудамж болгох ажил үргэлжилж байна.

Хан-Уул дүүргийн хэмжээнд 2018-2019 оны хичээлийн жилд 4000 гаруй мянган сурагч нэгдүгээр ангид элсэн суралцах юм байна. 2-5 настай хүүхэд 2016 онд 16105 байсан бол 2017 онд 19446 болж 3341 хүүхдээр өссөн нь цэцэрлэгийн ачаалал эрс нэмэгдээд байгааг цэцэрлэгийн эрхлэгч нар хэлж байлаа. Мөн Боловсролын хэлтсийн дарга Ж.Отгонхорлоо дүүргийн хэмжээнд цахим бүртгэлийн бэлтгэл ажил амжилттай зохион байгуулагдаж, СӨБ-д хамрагдалт 83,5%-д хүрэхээр урьдчилсан статситик тооцоо гарсан. Сургууль, цэцэрлэгийн өвөлжилтийн болон хичээлийн шинэ жилийн бэлтгэл ажил 50 хувьтай явагдаж байна хэмээлээ.

Монголын аавуудын өдрийг тохиолдуулан 2018 оны 08 дугаар сарын 10-ны өдөр ХУД-ийн Гэр бүл хүүхэд залуучуудын хөгжлийн хэлтсээс "Миний аав-Миний бахарлал" автобустай аялал, сургалтыг зохион байгууллаа.