Иргэдийн түгээмэл асуудаг асуулт, хариултууд

Асуулт: Мэдүүлгийн маягтыг хаанаас авч бөглөх вэ?
Мэдүүлгийн маягт гэж ямар бүртгэл хийлгэх тухай мэдээллийг багтаасан тусгайлсан асуулттай маягт юм. Мэдүүлгийн маягтийг бүртгэлийн цонхноос авч бөглөөд бусад материалтай хамт бүртгэгчид өгнө
Асуулт: Худалдах, худалдан авах гэрээгээр орон сууц, хашаа байшин авсан тохиолдолд мэдүүлгийн маягтийг хэнээр бөглөх вэ?
Мэдүүлгийн маягтийгтухайн хөрөнгийг худалдан авсан иргэний мэдээллээр бөглөнө.
Асуулт: Аав нь хүүдээ Бэлэглэлийн гэрээгээр үл хөдлөх хөрөнгийг шилжүүлэхдээ мэдүүлгийн маягтийг хэнээр бөглөх вэ?
Бэлэглэлийн гэрээгээр үл хөдлөх хөрөнгийн өмчлөгч өөрчлөгдвөл мэдүүлгийн маягтийг бэлэг хүлээн авагч буюу хүүгийн мэдээллээр бөглөнө
Асуулт: Би найзынхаа 3 өрөө орон сууцыг барьцаалан зээл авсан юм. Мэдүүлгийн маягтыг яаж бөглөх өө мэдэхгүй байна.
Бэлэглэлийн гэрээгээр үл хөдлөх хөрөнгийн өмчлөгч өөрчлөгдвөл мэдүүлгийн маягтийг бэлэг хүлээн авагч буюу хүүгийн мэдээллээр бөглөнө
Асуулт: Мэдүүлгийн маягтын ҮХЭХ-ийн Улсын бүртгэлийн дугаар гэсэнд Эд хөрөнгийн гэрчилгээн дээр байгаа ямар дугаар бичих юм бэ ?
ҮХЭХ-ийн Улсын бүртгэлийн дугааргэсэн11-н нүдтэй хэсэгт Эд хөрөнгийн эрхийн бүртгэлийн гэрчилгээн дээр байгаа - орон сууцны гэрчилгээнд “Ү” гэсэн дугаартай тоог - газрын гэрчилгээнд “Г” гэсэн дугаартай тоог бичнэ
Асуулт: Хөрөнгөтэй эсэх лавлагааг яаралтай гаргуулах гэсэн юм?
Хөрөнгөтэй эсэх лавлагаанд яаралтай үйлчилгээ байхгүй ажлын 3 хоногт гаргуулж болно.
Асуулт: Би хашаа байшингийнхаа гэрчилгээг барьцаалагдаагүй гэсэн лавлагааг яаралтай одоо авмаар байна. Үйлчилгээний хөлс нь хэд вэ?
Одоо гаргах боломжгүйбарьцаалагдаагүй, битүүмжлэгдээгүй, хөлслүүлээгүй , түрээслүүлсэн, түүхчилсэн, шилжилт хөдөлгөөн хийгдсэн эсэх лавлагааг авахад Мэдүүлэг хүлээн авснаас хойш: Яаралтай үйлчилгээ нь 10,000 /арван мянган/ төгрөг ажлын 8 цагт гаргана. Энгийн үйлчилгээ нь нь 5000 /таван мянган/ төгрөг ажлын 3 хоногт гаргах боломжтой
Асуулт: Би ахынхаа орон сууцыг хөлслүүлээгүй гэсэн лавлагаа авах гэсэн би өмнөөс нь авч болох уу?
Та нотариатаар гэрчлүүлсэн итгэмжлэхтэй бол болно.
Асуулт: Татварын 2%-ийн төлбөр төлдөг гэх юм тэр ямар учиртай вэ?
Орон сууц хашаа байшин гэх мэт эд хөрөнгийг Худалдах худалдан авах гэрээний дагуу зарсан тал нь үл хөдлөх хөрөнгө худалдан борлуулсны татвар худалдсан үнийн дүнгийн 2 хувиар төлдөг. Жишээ нь: 20.000.000 /хорин сая/ төгрөгөөр худалдлаа гэхэд 20.000.000*2%=400.000 400.000 төгрөгийн татвар төлнө гэсэн үг.
Асуулт: Барьцааны гэрээгээр зээл авсан юм гэрээг улсын бүртгэлд бүртгүүлэхэд үйлчилгээний хөлс хэдийг төлөх вэ?
Барьцаагаар хангагдах үнийн дүнгээс Энгийн үйлчилгээнд 0.05% , яаралтай үйлчилгээнд 0.1% тус тус төлнө.
Асуулт: Иргэний үнэмлэхний хугацаа дууссан буюу 25 нас хүрсэн юм. Ажил ихтэй болохоор ирж сунгалтаа хийлгэж амжихгүй байна. Ээжийгээ явуулаад хийлгэх боломжтой юу?
Хариулт: 25, 45 насны иргэний үнэмлэхний сунгалт, 16 нас хүрээд шинээр иргэний үнэмлэх авах тохиололд заавал өөрийн биер ирж өгнө. Иргэний үнэмлэхний сунгалтанд таны зураг хурууны хээ зэргийг дахин авдаг болно. Харин хаясан гээсэн тохололд өөр хэн нэгийг ирүүлэх боломжтой.
Асуулт: Иргэний цахим үнэмлэхний хугацаа дууссанаас хойш ямар хугацаанд ирж сунгалт хийлгэх вэ?
Хариулт: Цахим үнэмлэхний хугацаа дууссан өдрөөс хойш 1 сарын дотор ирж үнэмлэх гаргуулах материалаа тухайн оршин суугаа харъяа дүүргийн бүртгэлийн хэлтэст өгнө.
Асуулт: Иргэний цахим үнэмлэхний үнэ хэдэн төгрөг байдаг вэ?
Хариулт: Иргэний үнэмлэхний үнэ 15000 ₮ /голомт банкны 1165004534/ тоот дансанд тэмдэгтийн хураамж 3300 ₮ /голомт банк 1165007797/ тоот дансанд тушаана.
Асуулт: Манай эхнэр амаржсан сая шинэ төрсөн охиндоо төрсний гэрчилгээ авах гэсэн юм бид хоёр гэрлэлтийн баталгаа байхгүй?
Хариулт: Хоёулаа биер ирж, шинэ төрсөн хүүхэддээ төрсний гэрчилгээг авна. Хэрэв эхнэр ирэх нь хүндэтгэн үзэх шалтгаантай бол нотариатаар өргөдлөө гэрчлүүлээд аав нь ирээд хүүхэддээ төрсний гэрчилгээ авч болно. Өргөдөлд /СБД –ын бүртгэлийн хэлтэст өргөдөл гаргах нь гээд хэн гаргаж байгаа, хүүхдийн хүйс, нэр, эцгээр нь овоглох хүсэлтэй зэргийг бичнэ./
Асуулт: Хүүдээ төрсний гэрчилгээ авахад эхнэр бид хоёрын оршин суугаа хаяг өөр, заавал нэг хаягтай байх ёстой юу?
Хариулт: Хүүхэд эхийнхээ хаягийг дагах болохоор ээж нь Сүхбаатар дүүрэг байхад болно. Иргэний цахим үнэмлэхний хугацаа нь дуусаагүй байх ёстой.
Асуулт: Манай нөхөр хөдөө ажлаар яваад 10 хоноод ирнэ. Охиныхоо төрсний гэрчилгээг авах гэсэн чинь гэрлэлтээ батлуулаагүй хоёулаа байх шаардлагатай болоод байх юм яах вэ?
Хариулт: Хүүхэд төрснөөс хойш нэг сарын дотор төрсний гэрчилгээг авч болно.
Асуулт: Манай нөхөр энэ оны 2 сард нас барьсан юм. Би 5 сард төрнө хүүхдээ ааваар нь овоглосон төрсний гэрчилгээ авмаар байна гэрлэлтийн баталгаа хийлгэж амжаагүй боломжтой юу?
Хариулт: Та хоёр гэрлэлтээ батлуулаагүй буюу гэрлэсний гэрчилгээгүй бол хүүхэд тань эцгээрээ овоглох боломжгүй. Харин гэрлэсний гэрчилгээтэй бол эцэг нь нас барснаас хойш 10 сарын дотор хүүхэд тань эцгээрээ овоглосон төрсний гэрчилгээ авах боломжтой.
Асуулт: Гэрлэлтээ батлуулахад заавал гэрлэх ёслолын ордны сургалтанд суух ёстой юу?
Хариулт: Тухайн сургалтанд заавал суух албагүй гэхдээ шинээр гэр бүлээ батлуулж байгаа залуу гэр бүлийн хувьд тухайн сургалтанд суусан байхад зүгээр.
Асуулт: Гэрлэлт цуцлуулахад эд хөрөнгийн маргаангүй, 6 настай хүүхэдтэй бол энд цуцлуулж болох уу?
Хариулт: Болохгүй. Хэдийгээр эд хөрөнгйин маргаангүй ч 0-18 насны хүүхэдтэй учир харъяа дүүргйин шүүхэд хандаж гэрлэлтээ цуцлуулах ба хүүхдийн асрамжлалын асуудлыг шүүхийн шийдвэрээр гаргуулна. Дараа нь шүүхийн шийдвэр гарсны дараа харъяа оршин суух дүүргийн Бүртгэлийн хэлтэст ирж бүртгэлээ хийлгэх ёстой.
Асуулт: Гэрлэлт цуцлуулах шүүхийн шийдвэр өчигдөр гарсан яаралтай цуцлуулах бүртгэлийг хийлгэх гэсийн болох уу?
Хариулт: Гэрлэлт цуцлуулах тухай шүүхийн шийдвэр гарснаас хойш давж заалдах хугацаа буюу 14 хоног өнгөрсний дараа бүртгэлд бүртгэж болно.
Асуулт: 6 настай хүүхдийн овог солиход аав байхгүй төрсөн эх миний зөвшөөрлөөр хийх болох уу?
Хариулт: Боломжгүй. 0-18 насны хүүхдийн овог нэрийг заавал төрсөн эцэг, эхийн зөвшөөрлийг авч бүртгэх тул боломжгүй.
Асуулт: Хүүхдийн төрсний гэрчилгээ үрэгдүүлсэн хаячихсан яаж дахин авах вэ?
Хариулт: Төрсний гэрчилгээний лавлагааг үндэслэж дахин олгоно. Хүүхдийн төрсний гэрчилгээний лавлагааг төрсөн эх нь төрийн үйлчилгээний цахим /ТҮЦ/ машинаас авч болно гарахгүй бол Улсын бүртгэлийн ерөнхий газрын архиваас лавлагааг авна.
Асуулт: Ажил хийдэггүй эмнэлэгт үзүүлэхэд эрүүл мэндийн дэвтэр шаардлагатай болоод байна. Би эрүүл мэндийн дэвтэр шинээр нээлгээд жилийнхээ төлбөрийг төлөх гэсэн юм?
Хариулт: Эрүүл мэндийн дэвтэр шинээр авахад 400 төгрөг Ажил эрхлээгүй иргэний хувьд нэг сарын 670 төгрөг 12 сар нь 8040 төгрөг болно.
Асуулт: Эгч нь 3 настай охиндоо эрүүл мэндийн дэвтэр нээлгэх гэсэн юм яаж нээлгэх вэ?
Хариулт: 0-16 насны хүүхдийн эрүүл мэндийн даатгал төрөөс үнэгүй нийгддэг. 0-16 насны хүүхэд эмнэлэгт үзүүлэхэд төрсний гэрчилгээгээ үзүүлэхэд болно. Зайлшгүй шаардлагатай бол эрүүл мэндийн дэвтэр нээлгэж болно.
Асуулт: Ах нь сая ажлаасаа халагдчихлаа ажилгүйдлийн тэтгэмжийн тодорхойлолт гаргуулахад юу бүрдүүлж, тэтгэмжийн мөнгөө яаж авах вэ?
Хариулт: Нийгмийн даатгалд сүүлийн 6 сар тасралтгүй шимтгэл төлсөн байх Ажлаас халагдсан тушаал авчрах Иргэний цахим үнэмлэхтэй Иргэн өөрөө тухайн дүүргийн иргэн байх Тодорхойлолтоо аваад тухайн дүүргийн нийгмийн даатгалын хэлтэст ажлаас халагдсан тушаал гарсан өдрөөс хойш 14 хоногийн дотор очиж тэтгэмжийн мөнгийг гаргуулан авна.
Асуулт: Би сая хүүхдийнхээ төрсний гэрчилгээг авчихлаа одоо амаржсны дараах 40000 болон хүүхдийн 20000 төгрөгийг яаж авч болох вэ?
Хариулт: Жирэмсэн болон нярай, хөхүүл хүүхэдтэй эхэд олгох мөнгөн тэтгэмжийг хүүхдийн төрсний гэрчилгээ, иргэний үнэмлэхний хамт тухайн дүүргийн нийгмийн халамж үйлчилгээний хэлтэст эсвэл хороон дээрээ очиж үргэлжүүлэн сунгалт хийлгэнэ. Харин 20000 төгрөгийг хүүхдийн нэр дээр аль дуртай банкийг сонгож хадгаламжийн дэвтэр нээлгэхэд болно.
Асуулт: Би зуслангийн газар эзэмших ашиглах эрхийн гэрчилгээтэй юм. Газрын төлбөр хэд гарсныг хэрхэн мэдэх вэ?
Хариулт: Та гэрчилгээн дээрх газрын нэгж талбарын дугаараа мэдэж байвал сүлжээнээс төлбөрийн үлдэгдэлийг тодруулах боломжтой.
Асуулт: Ах нь сая нэг компани байгуулсан юм одоо санхүүд бүртгүүлж код авмаар байна яах вэ?
Хариулт: Байгууллагынхаа гэрчилгээг канондуулаад санхүү, төрийн сангийн хэлтсийн бүртгэлийн мэргэжилтэнд хандаж бүртгүүлнэ.
Асуулт: Би байгууллагынхаа тайланг аваад ирлээ тамга даруулах шаардлагатай юу?
Хариулт: Тайланг цахимаар ногоон өнгийн дугтуйны зурагтай болгоод илгээчихсэн үед санхүүгээс 10 хоногийн дотор хянаад алдаагүй зөв илгээсэн бол цоожны зурагтай болсон байна. Иймд та цаасаар биш цахимаар авдаг болсон тул тамга даруулах шаардлагагүй.
Асуулт: Компаний санхүүгийн тайланг шалгаад алдаатай тохолдолд яах вэ?
Хариулт: Илгээсэн санхүүгийн тайланг хянаад алдаа гарсан тохолдолд анхаарлын тэмдэг тавиад баталгаажуулсан цоожны зураггүй байх болно. Энэ тохиололд ирж уулзах юм уу алдаагаа засаад дахиад явуулна.
Асуулт:Би 1- р улирлын тайлангаа цахимаар явуулаад баталгаажуулсан юм. Тэгсэн чинь орлогоо дутуу оруулаад тайлангаа гаргасан байна. Санхүүгийн тайланд өөрчлөлт яаж оруулах уу?
Хариулт: Албан бичигтэй зөв тайлангаа хоёр хувь хэвлээд санхүүгийн тайландаа засвар оруулж болно. Албан бичигтэй ямар дүнг яаж засах гэж байгаагаа тодорхой бичиж ирнэ.

Шинэ мэдээ

Эрэлттэй мэдээ

Хэрэглэгчийн хандалт

5737
9207
84998
4398372

ХӨГЖҮҮЛСЭН: cloudnetwork llc