МАРГААШ буюу 2018 оны 04 дүгээр сарын 27-ны баасан гаригт “ХЭРЭГЛЭЭГЭЭ ӨӨРЧИЛЖ, ХӨРСӨӨ ХАМГААЛЦГААЯ” өдөрлөг болно

Нийслэлийн Иргэдийн Төлөөлөгчдийн хурлын Тэргүүлэгчдийн 66 дугаар тогтоолоор жил бүрийн 04 сарын 27-ны өдрийг “Хөрс хамгаалах өдөр” болгон тэмдэглэхээр шийдвэрлэсэнтэй холбогдуулан “ХӨРСӨӨ ХАМГААЛЪЯ” өдөрлөгийг “ХЭРЭГЛЭЭГЭЭ ӨӨРЧИЛЖ, ХӨРСӨӨ ХАМГААЛЦГААЯ” уриан дор  04 дүгээр сарын 27-ны өдөр СҮХБААТАР-ын талбайд зохион байгуулагдах гэж байна.

Энэхүү өдөрлөг нь хөрс хамгаалал, хөрсний бохирдлоос урьдчилан сэргийлэх чиглэлээр үйл ажиллагаа явуулдаг төрийн болон төрийн бус байгууллага, хувийн хэвшил, эрдэмтэн судлаачдын оролцоог хангаж буйгаараа ОНЦЛОГ юм байна.

Өдөрлөгийн үеэр төрийн болон судалгааны байгууллагууд иргэдэд мэдээлэл өгөх бол хувийн хэвшлийн ААН, эрдэмтэн, судлаачид хөрсний бохирдлоос урьдчилан сэргийлэх, хамгаалах чиглэлээр хийгдэж буй шинэлэг ажил, бүтээгдэхүүн, үйлчилгээний  талаар танилцуулах, худалдаалах үйл ажиллагааг явуулна.

Иймээс иргэд олон нийт та бүхэн өөрийн амьдарч, ажиллаж буй орчны цэвэр орчны төлөө мэдлэгээ дээшлүүлэх, мэдээлэл ихтэй “ХӨРСӨӨ ХАМГААЛЪЯ” өдөрлөгт өргөнөөр оролцоно уу.

ХАН-УУЛ ДҮҮРГИЙН ЗАСАГ ДАРГЫН ТАМГЫН ГАЗАР


Шинэ мэдээ

Эрэлттэй мэдээ

Хэрэглэгчийн хандалт

2222
0
107015
4420389

ХӨГЖҮҮЛСЭН: cloudnetwork llc